« پهره روتاک » « روزنامه پهره »

ادبیات بلوچ

عناوین یادداشت‌ها

  • چـــــاربــَــنـــــد یکشنبه 9 خرداد 1395 12:28
    چـــــاربــَــنـــــد هـر کـسـے آتـکـگ وتـی نشانی هِشت یکـے لوگـے و شـهـرے یے بُن هِشت سـبـز هـمـا نام انت مـاں جـَلـیـں دَؤراں زنداش داتگ رنگ وتی مراداش کِشت کریم بلوچ _ تهل
  • 4 بــَـنـــد یکشنبه 9 خرداد 1395 12:27
    4 بــَـنـــد جنزگ انت وهد و جنزگ انت باری نــئـے کسـے مـوه ءَ سانکلاں داری وت وتی وهد ءَ وهدے باهین ئـے نــئے کدیں بَـاری دَنـت تـرا یاری کریم بلوچ _ تهل
  • گـــَــــڈگ یکشنبه 9 خرداد 1395 12:26
    گـــَــــڈگ ********** لیو ٹالستوی کریم بلوچ _ تهل مات ءَ سیه لوگ گپت و لوٹــِــت ئی که چاشت ءَ چه رَند ، زهگان اش به دنت. آهانی تشتے ءَ ایر کـُـت انت. " وانیا" که هچ وهد ءَ سیه لوگ نه وارتگ ات، آهانی بو کت انت.باز آئی ءَ پـَـسٌند بوت انت. بازئی لوٹت که به وارت اش.آ دائم ءَ سیه لوگانی نیمگ ءَ شت.وهدے که هچ...
  • کے راست انت ؟ یکشنبه 9 خرداد 1395 12:25
    چکانی دیوان لیو ٹالستوی ----------------- کریم بلوچ _ تهل کے راست انت ؟ سئے سنگت اتنت . یکروچے دیوان ءَ یکے گوئشت : آ لوٹیت که آئی ءِ زند هنچو به بیت که سرجمیں دژمن و وشنیاتک ، چه آ ئیا به ترس انت دومی گوئشت : گهتر انت که مردم هنچو به بیت که دژمن چه آئیا به ترس انت و دوست ، دوست به دار انت و پهر به بند انت. سومی گوئشت...
  • دَستونک یکشنبه 9 خرداد 1395 12:24
    دَستونک مراد ساحر وَهــد و بے وَهــد ٹـَهـل و ناز ءَ بــِل گوں مَجن دست ءَ زرد ءِ ساز ءَ بــِل کئـے وتـی کــولاں بَـجّـتـگ گـَپ کن « ریا و رو » هِـچ مـکـن لِـیـاز ءَ بــِل ریـــدگی ءَ چه شَنـگر ءَ جُست کن گـُوَتــکـگـیـں هـار ءِ گیـد ءِ داز ءَ بــِل مان مَسیـت ءَ که سـر منی کپتگ دوســت ءِ تــرانـگ ! منا نماز ءَ بــِل...
  • سـَـــمـــــــیــــــــن یکشنبه 9 خرداد 1395 12:23
    سـَـــمـــــــیــــــــن په وتی نازَلیں و شـَکـَلیں جـَـنِک سمین جان ءِ نام ءَ ! ​ گِـین ءِ بهر ءَ شکلیں سـاه پَـر تـرا ما شات باں داں زَمانگ بیت و هست انت گوں ترا ما یات باں پُلّ ! سَمین انت هَستیاں ماں بو و شَرّ رنگی زبان ما وا « دپتان » مهردلیں جان ، زِر ءِ هُلّ ءِ زات باں نیر ءِ دریا باں مَه اوژناگ ، هم تَهاریں...
  • چاربند یکشنبه 9 خرداد 1395 12:22
    شهید محمد گل ریکی مـَـؤت شـکارانی واهگــاں زیـنـد انت سـکیاں دیـمپان گوں سـر ءِ جـنـد انت هکل و مَؤت ءَ هم گوئزانت بے ترس لک مڑا بیل که پَـهــر ءِ دورگِند انت کریم بلوچ _ تــَـهــل
  • دوســــت چهارشنبه 5 خرداد 1395 15:20
    دوســــت ******* ( 1 ) زیند سمینے و کشگ انت دَؤراں یا زبادے که درنزتگ پلاں یا که سالانی مولمے سد رنگ هم بَری اُمبر انت مجتی دوست ءِ ( 2 ) کیهوان کائے تو زبادانی لـُڈگ و ناز ات هوش بر و دل نند زیب و پُر درین انت تئی دپ ءِ بچکند لوکه ئیں جمبر تئی سلام کاینت من تئی مهر ءِ بو سمین گولاں ( 3 ) پـُل و آتار انت هر کدیں کیت...
  • [ بدون عنوان ] چهارشنبه 5 خرداد 1395 15:17
    شیرکو بیکس / کریم بلوچ - تهل آزمان ءِ روکیں چمانی برابر ءَ جمبر ءَ و جمبرانی چارگاں و شاهدی ءِ وهد ءَ گوات ءَ وگوات ءِ چمانی دیمپدیمی ءَ هئؤر ءَ و هئؤر ءِ چمانی برابر ءَ هاک ءَ و ڈگار اش دُز ات ، و آهر سرجمیں چمانی برابر ءَ دوزندگیں چم اش ، زندکا کـَـلّ کرت هما چماں که دزانی دزی اش دیستگ ات . شیرکو - بیکس ( کردستان ءِ...
  • وازیاں که آ گپ و ٹـوکاں مِـهـراب و مـنـبر ءَ کن انت جمعه 31 اردیبهشت 1395 15:21
    وازیاں که آ گپ و ٹـوکاں مِـهـراب و مـنـبر ءَ کن انت حافظ شیرازی / کریم بلوچ - تهل وازیاں که آ گپ و ٹـوکاں مِـهـراب و مـنـبر ءَ کن انت چو که اندیم بنت چه چماں ، سِلـّی چه سِلتر ءَ کن انت جـُسـتـــے هـَـسـت ، دیــــوان ءِ زانــوگــر ءَ بـگـوئـش تــَـوبه ءِ وازی پَـچـئے وت ، توبهاں کـمتر ءَ کن انت
  • نیکیں کرد جمعه 24 اردیبهشت 1395 15:07
    نیکیں کرد خلیل جبران / طارق پیشکانی نیکیں کرد: - نیکیں کرد بس اے نہ انت کہ تو اللہ ءِ دیم ءَ بُُہ جُک ،نیکیں کرد اے اوں ھست اِنت کہ تو سِل کاریانی دیم ءَ چو کوہ ءَ مِک بہ بو ،نیکیں کِرد بس رنگ ءُ راستی نہ اِنت کہ تو وتی ذات ءَ ھمگرنچ ئِے بہ کن ،نیکیں کرد ھما وشبو ءُ بزیں درچک ءِ وڑ ءَ انت کہ آئی ءِ وشبو ھمک مساپر ءَ...
  • چاربند جمعه 24 اردیبهشت 1395 15:02
    چاربند (1) پلءِ موسم چَه اے زمان سستَگ وهد کجام باریں ، نوبتاں رَستگ شربتاں زند ءِ ، جام ءَ ایر ریچ کن کَپتگیں راج انت که گُوَستگاں نِستَگ (2) دل ترا لوٹیت ، چه گَل و بال ءَ واهگ ءِ پل انت، نوک مه و سال ءَ تو مَلاراں دئے ، چه زمان دَرکَپ چم ءِ مهمان بئے داں ابد شالا (3) وهد و باریگ ءِ هم رواج تیز انت کپتگیں راج ءِ ،...
  • ریـــــٹـــــــــایــــیــــــں دل ( 1 ) جمعه 24 اردیبهشت 1395 15:01
    ریـــــٹـــــــــایــــیــــــ ں دل ( 1 ) ( وهـــــد ءِ گـــوانــک ) هــَزار رنگیں بهار ءَ ، ڈکیں دل دور پما جنگانی شـِـدّت و کـُش ءِ سور کئی چماں بچاراں بهت ءِ بـَـژن ءَ چیا هون انت و ماجین په بلوچ نور کئی آسر په ما بے آسریں زند کئی بـَهتانی روچ انت پر ما رونِند شکاری بے سر و ساریں وا دیه انت شکار اِش هم بلوچ ءِ مُلک...
  • هیالانی نود جمعه 24 اردیبهشت 1395 14:59
    هیالانی نود ************* (1) موجے که دل ءَ کیت بهارانی پدا بودے که زرینیت دل و جان ءَ جدا نُود انت هیالاں و گوں مهکان شلنت بُڈ انت ماں پگراں و زهیراں چِدا (2) مهرنگ من ءَ ناچ ماں دشت انت و گیاب کوهانی سریں چمگ و مچانی هساب پَٹانی لَد و گز ،کرگوشک په تاب گورمانی زر ءَ لڈ و په زیمل دا تیاب بیا یات منءَ کیت همک گیر ترا...
  • نازینک جمعه 24 اردیبهشت 1395 14:58
    نازینک {وتى دلدوست ، کسانیں و نازآتکیں بچ ، " آزات"جان ءِ نام ءَ } دلدوست و کسان ، آزات ئے لکیں تو یلان ئى برات ئے هـــنبوئیں مــــــرادانى پـُــل مهر ءِ نـــوگلیں زامات ئــے ساه ئے تو منى ،بَـچٌ و بَر نـــوک پــــل و بــهار ءِ دَروَر راج ءِ نوک سریں باندات ئے رژن و کلکـشان ءِ زات ئــے آبات بیت جهان ، آبات...
  • دَپتان ( تفتان ) جمعه 24 اردیبهشت 1395 14:56
    دَپتان ( تفتان ) ( شهیدیں همبلاں عبدالرحیم رئیسی ؛ علیرضا ارشد رحمانی ؛ ابراهیم اشکان و صادق رینکی ءِ یات و نام ءَ ) منی ڈگار ءَ سَک سر ءَ تو آزمان ءَ ماں تچوکیں بالی جَمراں مُش ئے تچوکیں جمرانی گوں جُڑاں هبر کن ئے منی ڈگار ءِ بُرزتریں چیدگ ئے چه پیڑیاں چم اِت روژنا دل اِت دریکگ انت تو لشکرانی آیگ ءَ ؛ و رُمبانی...
  • شموشتی چون پیکه ورد به لوٹیت جمعه 24 اردیبهشت 1395 14:54
    شموشتی چون پیکه ورد به لوٹیت ایتسیک کیپنس کریم بلوچ _ تــهــل زرد شلواریں کروس و ٹک ٹک جامگیں ماکیاں یک واهندے ءَ یک کروس و یک ماکیانے هست ات . کروس ءَ زردیں شلوارے پاد ات و ماکیان ءَ ٹک ٹکیں پیرام و جامگے گورا ات . آهاں باز وَش و وَش تبین اتنت . کروس دگرانی سراد و جاهاں په نیم چمے هم نچارتگ ات ، بلکیں سرجمیں روچ ءَ...
  • مُردگ کہ لجّ اِنت زندگ اِش بے لَجّ کن اَنت پنج‌شنبه 16 اردیبهشت 1395 18:56
    مُردگ کہ لجّ اِنت زندگ اِش بے لَجّ کن اَنت ( بتل گنج,, چیزے واقعاتی بتلانی پُشت ءِ کِسّہ ءُ اھوال،،واجہ غنی پھوال ) اے یک راستیں واقعیاتی بتلے اِنت کہ وتی پژدر ءَ سکّیں تامدار ءُ پُر مانائیں کسّہے داریت ،گوش اَنت: مردے ءِ دو جَن اتنت اوّلی جن آئی ءِ ناکو زتک ات ءُ رندی درآمدے اَت- رندی جن سکّیں نابود ءُ شوتہ ھوشے اَت...
  • سئے دستونک پنج‌شنبه 16 اردیبهشت 1395 18:52
    سئے دستونک (1) زِه مَــلار انت تئی لـُنٹ و تئی بچکند سَه قرار انت _ تــئی دیدگ اؤ دلبند ترس چه بَدنامی ،چه جهان دور کرت ما را ! وشنامی کرتگ هم سک ژند نـُـوْهَـلیں پُـل و تـــئی بــدن یک انت شپ زهیں بیـــک ات کرتگ ما را بند مـــهر ءِ تـــئی چادر پـــوشتگ ما را پَــهر په تئی ناز ءَ دل کتگ سَــد رَند ما شپ ءِ سُـجده گوں...
  • سئے دز پنج‌شنبه 16 اردیبهشت 1395 18:50
    چـُـکانی دیوان لیو ٹالستوی »«»«»«»«»«» «»««»«»«»«»«» سئے دز کریم بلوچ _ تهل مردینے ءَ هـَرے و بـُزے زُرت و په بهای ءَ ، شهر ءَ برگ ات . بز ءَ تلینگوکے گـُـٹ ات . سے دز ، اے مردک ءَ دیست و یکے گوئشت : _ من آئی ءِ بز ءَ هنچو به دزاں که مردک هچ سرپد مه بیت . دومی دز ءَ گوئشت : من چه مردک ءِ دست ءَ هر ءَ دزاں . سومی گوئشت...
  • " لیپیونشکا " پنج‌شنبه 16 اردیبهشت 1395 18:47
    چ کانی دیوان لیو ٹالستوی کریم بلوچ _ تهل " لیپیونشکا " یک پیرزال و یک پیر مردے هست ات که آهان ءَ چـُـک و بچے نیست ات . یک روچے پیرمرد ، ڈگار ءِ شوم کنگ ءَ شت و پیرزال ، لوگ ءَ نان ءِ پچگ و دیگ ءَ ، گلائیش بیت .پیرزال ءَ روگنی و سیسرکیں نان پَهت ( پَتک ) انت و گوئشت ئی : _ اگں ما را چک و زهگے بوتیں ، په وتی...
  • زیــــنـــــــد جمعه 10 اردیبهشت 1395 07:21
    زیــــنـــــــد زیند ! تئو په مَؤجاں و چارکه وش ئے دلـبر ءِ ٹهل ئے و مئی دل ءَ نکش ئے بانــزل ئے بانز ءِ و تیز رَویں تیر تئو کائے گوں بوداں،ماں زراب چَکش ئے مَـلـّگ ئے هَردیں ، کــؤش بهاری چو تئو وَدگ ، آجو ؛ مهر دلاں بکش ئے تئو وَس و واک ئے،هستی- دنیای یے وهدءِ تئو گوناپ،رُژن ءِ تئو تکش ئے تـئـو هیال ءِ نام ‏، و هــم...
  • ســــحـــــر بــــیــــت جمعه 10 اردیبهشت 1395 07:14
    ســــحـــــر بــــیــــت ( با ترجمه فارسی ) *************** گل خان نصیر سیاهیں شپ ءِ انجام جلشکوکیں سحر بیت تـــرنــپــے سَــدپ ءِ هـُـکـّه ءَ مانیت گهر بیت آهـــن یــلــه ئــیــں سِــنـگے ، نیرزیت بهایے آس ءَ ماں کپیت ، توپک و شمشیر و تبر بیت شـوم ءِ تـهـا کهڈ بیت و رُدیت ، تهم کِشار ءِ زندان ءِ تها ،« ایسپ » ءَ دیر...
  • بیرکِریں بالاچ ءِ گوانک ! شنبه 4 اردیبهشت 1395 08:41
    بیرکِریں بالاچ ءِ گوانک ! **************** کوه و شهر میری مئی کلاتاں انت بالاچ چو گوانک انت په براتاں انت تیاب و زر هم مئی هستی ءِ مال انت هر کجام هَند ءَ میر بلوچ گال انت پٹ مئی دلبند چو پراه انت چو چو سَمین ءَ بنت روچے هم آجو اے مئی ساه ءِ ساهی ءِ هَند انت په بلوچاں اے چُش که دلبند انت سَد سلام مِهرانی تیاب و زر...
  • شهید غلام محمد بلوچ شنبه 4 اردیبهشت 1395 08:39
    شهید غلام محمد بلوچ : ٭ - جنگ وتی گـُڈی و آهری سیمسراں سر بیتگ ، بلوچ آزاتی ءِ منزل ءَ سر بَـیـَگ انت! ٭ - شـُد ، نادراهی ، بے لوگی ، زلم و جبر ... اے کـُلّ گلامی ءِ داد انت ! ٭ - بلوچ وتی آزاتی ءِ منزل ءَ سربیان انت ! ****************************** *********************** ( شهید غلام محمد بلوچ ءِ گـُڈی گـُشتانک که...
  • جنگول شنبه 4 اردیبهشت 1395 08:35
    چـُکانی دیوا ن لیو ٹالستوی ------------------ کریم بلوچ _ تهل جنگول دو مردک ، دگ و سڑک ءَ ، هوری ءَ کتابے دیست . یک و دگر ءِ گون ءَ اڑاں و مڑاں بیت انت که کئی کتاب انت و کئی به زور ایت . سومی کسے چه همودان گوزان ات سوج ئی گپت : _ کے چه شما وانگ زانت ؟ _ هچ کجام . _گڑاں شما کتاب ءَ چے کن ات ؟ شما مڑان ات چوش که دو...
  • شیر و روباه شنبه 4 اردیبهشت 1395 08:32
    چـُــکانی دیوان ترینوک : کریم بلوچ _ تهل شیر و روباه روباهے چه شیر ءَ لوٹت که شکار ءَ ، آئی ءَ وتی پـَـجّـی و همراهی ءَ به بارت . _ من هم تیزینے اوں ، هم چالاکینے ! روباه وتی ستای ءَ کـُـت . شیر مـَـنّ ات . روباه ڈگاراں و جنگلاں تـَـرّان ات و سَهدار ئی ، شیر ءِ نیمگ ءَ تاچینت انت و شیر آهان ءَ شکار ءَ کت و شکار ءَ بهر...
  • گـُرک ءِ سستگین سَرَگ شنبه 4 اردیبهشت 1395 08:31
    چـُـکانی دیوان پارس ءِ گیدی آزمانک ------------------------ کریم بلوچ _ تهل گـُرک ءِ سستگین سَرَگ هست ات یک پیریں شیرے که بازیں اڑ و جنجال ءِ گون ءَ ، سَهداری گِـپت و شکار کـُت انت . یک روچے پیریں شیر ءَ شُد گپتگ ات و شکار ءَ روان ات . گـُرکے ، شیر ءَ دیست ؛ سَلامالیک ءَ رَند ، چه واجه شیر ءَ سوج ئی کـُت : _ بارین...
  • کـُـچـَـک و آئی ءِ ساهگ شنبه 4 اردیبهشت 1395 08:29
    چـُکانی دیوان لیو ٹالستـــــوی -------------- ------------------ تـَـرینـــــوک : کریم بلوچ _ تهل کـُـچـَـک و آئی ءِ ساهگ کـُچَـکے ءَ چـُـنڈے گوشت چه دَپ ءَ لونجاں ، چه جُـوْگ ءِ پُهلے ءَ گـُوَزان ات . کـُچَک وتی شَبین و عکس ئی آپ ءَ دِیست و پگر ئی کـُت که اے دگه کچکے انت . گـَـپّ ات و آپ ئی سِـٹ کـُت که دومی کچک ءِ...
  • سـَـهدارانی سـُهـل ( کـُروس و روباه ) شنبه 4 اردیبهشت 1395 08:25
    چـُــکانی دیوان تـَرینوک : کریم بلوچ _ تهل سـَـهدارانی سـُهـل ( کـُروس و روباه ) مـُرگانی مـَزنیں ڈگارے هست ات که جنگل ءِ کـَش ات .بازیں ماکیان و کروسے ماں اے ڈگار ءَ هست ات ، یک روچے یک شـُدیگیں روباهے ءَ پایست _ لوٹ ات _ که گوں کـُجام پـَندلے همے ڈگار ءَ به رؤت و کجام ماکیان یا کـُروسے ءَ شکار و وتیگ به کـنت . شـُت...