بـیـتـو کـی !

بـیـتـو کـی !

بیتو کی کیت انت دل ءِ مرادانی

واهگاں دیریں ، پُل سَوادانی

کیت و مانتریت سَمبهیں پُلاں

روچ گوئز انت و دَؤر پُل گلیں جانی

،

باریں باریگے پَچ به پلّ ایت نه

باریں شهداں و وهد ببنت همره

باریں تئی ٹیکی ،لال ءَ بیت و براه

باریں ارزان مهر دست کپیت هر جه

،

دلجماں وَشی تئی مراگاه انت

شاده اِت هرجاه گوں و همراه انت

وَش ببو بیلی ، سر تئی دراه انت

مَستریں ٹیکی ،هستی تئی ساه انت

،

من گـَلاں که وَش تو گـَل ئے بیلی

زندمان ءِ داد ءَ تو شل ئے بیلی

تو مراداں بئے په دل ءِ واهگ

داں ابد ڈیوا ، مِهر بَل ئے بیلی

کریم بلوچ - تهل

25.03.2017

​