راسک ، سرباز و پشامگ ءِ سرمتابیں ورنایانی نام ءَ

راسک ، سرباز و پشامگ ءِ سرمتابیں ورنایانی نام ءَ

بیل ! گلامانی ماں جهان ایں چون

ستکگیں زند و ڈیه انت مئی پر هون 

نندگ هم شرم انت ، هست سرجهلی

سَگّ و اوپار سُهت، کئی وداریں نون

پنڈگیں هکاں ، چه دَت و رَستر

رَستراں دِرّوک ، جاهل و مجنون

وَس توئے بیلی ، هستی ءِ شونکار

گر ببئے یکجاه ، گر ببئے یکشون

چُپی ءَ نندئے ، وهد ءَ باهین ئے

گلامی ءِ درد ءَ ، چو کنیں ما رون

چو گلامیں ما ، بیت گلام پدریچ

پهر هاکاں هور اومنی رهشون 

بیا که گوانکنت ڈیه ماں گر و گٹاں

سرمچارانی - رُمب ءَ تاں یک بوں

سوب و آزاتی، کـَٹ وتی دست ءَ

زند ءَ پر پَهریں، شادهاں تاں گوں

گں سراں هیسی،بیا جنوں شرتءَ

کٹاں پهراں ما ،یا دیوں زند سون 

کریم بلوچ - تهل

12.04.2017

*************************************************

چـــــــــــــــــــــار بــنـــد

پیتاپ ءِ داب انت زانت و زانتکاری

رُژن ءَ شانت زند ءَ ما را دنت یاری

دَهل ءَ شان رژن ءِ ماں دلاں زند ءَ

بود بدنت هلک و ، هستی و ساری

کریم بلوچ ـ تهل