مـنـی بـیـلی !

مـنـی بـیـلی !

بیلی منی !

هونانی هار  ،

رُمبیت بلوچانی دوار

جون انت که هر جه کپتگ انت

شهیدانی رُمب ءَ وپتگ انت

ٹپی و در بند انت مزار

ماتانی چم انت ارس گوار 

سوکیگ راج ءِ هست و نیست

ایمن نه کس منتگ ، هُشار !

پادا ! و تئی پادآیگ ءَ 

باهند ءَ جنزیت پر توار !

بند انت مات مئی مکهین

جئور و بد ءِ زلم ءِ شکار

هولّ و بَر انت تئی مال و مَڈ

ٹگ و پلوک انت مُژده وار

تئی نندگ ءَ سوباں گر انت

گنج اِت بَر انت دُزاں بچار

گنجاں چه پُرّ مات مکهیں

لنگڑ توئے ، بے روزگار

کار و تئی نان ءَ پُلنت

تئی مُلک و هنکین و دیار

اَو سرمچار ! اَو سرمچار !

تو اُسپر و راج ءِ سگار

هک انت تئی وت واجهی

وت مَستری ماتیں ڈگار

لنگڑی - گلامی تاں کدیں

پادا ! تو هم دستے شهار

دنیا بگندیت پهر تئی

آزاتی ءِ تو واکدار 

کریم بلوچ - تهل

12.02.2017