ورنــــــا

ورنــــــا

کــوه وکاباں چو ، تـئـی نزر ورنا

مــردی ءَ شـیـری تـئی جگر ورنا

ســر بکــن  سار و پَندلاں تو چار

پَد بـجن هـکـّاں ، ٹِکّ هـبـر ورنا

کپتگ راج دیرنت گلامی ءِ بند ءَ

دام ءَ تو لیڑیـن ، کن هَـشر ورنا

پَهر گں آزاتی هست و بیت بندوک

گوں بٹاکاں گار ، جند ءِ سر ورنا

هیلهے بیلاں!هون چه سرگوئستگ

ڈیه ءَ بیت گار و ، زند پَلر٭ ورنا

بیا گوئشاں ٹِکیں گر هبر تهل انت 

جهد ءَ کیت باهند،سوب ءِ در ورنا

کریم بلوچ ـ تـهـل

17.04.2017

٭ ـ پلر : پلار . زرت ءِ هشکیں تاک . زرد و هشکیں تاک .