« پهره روتاک » « روزنامه پهره »
ادبیات بلوچ« پهره روتاک » « روزنامه پهره »
ادبیات بلوچمـئـی زبان مـهـر و تـئی زبان تـیـر انت
مـئـی زبان مـهـر و تـئی زبان تـیـر انت
کـَـمّ هُــونــی ءِ نـادراهـی
رجـانـک : ادَبــی هَـکـیـم
------------------------
کـَـمّ هُـونـی ءِ نـادراهـی ، یَـک هَـنـچـیـں نـادراهـی یـے کـہ مَـردُم ءِ جـان ءَ کِـسـاس ءِ اُکـسـیـجـن - گـَـیـس مـان نـہ بـیـت کـہ هُـون مـان آئـی ءِ جـان ءِ رَگ ءُ ریـشّـگـاں رَو ءُ آ بـہ کـَـنـت کـہ هُـون مَـردُم ءِ جـان ءِ آدگـے بَـهـران ءَ سِـیـر هـون بـہ کـَـنـت ، هُـون ءِ پـاهـار چـہ یَـک یـاں چـہ یَـکے ءَ گـیـش ءِ کِـسـاس ءَ جَـهـل بـہ کـَـپ ایـت گـڑا آ هـیـمـوگـلـوبـیـن جـواں کـُـرت نـہ کـَـنـت ، هـیـمـوگـلـوبـیـن اُکـسـیـجـن گـَـیـس ءِ چـسـت ءُ اِیـر کـَـنـوک اِنـت ، هـیـمـاتـوکـریـٹ هُـون ءِ کِـسـاس ءِ گـیـشّـیـنـوک اِنـت ءُ آ هُـون ءِ تَـهـر تَـهـر ءُ کِـسـاس کِـسـاس ءِ گـیـشّـیـنـوک اِنـت ، هُـون ءَ مـاں جـان ءِ آدگـے بَـهـراں بَـهـر کـَـنـوک اِنـت.
مَـردیـنـانـی کـَـمّ هُـونـی ءِ سُـهـریـں هُـون ءِ دانَـگـانـی کِـسـاس چـہ G/DL13.55 کـَـمـتـراِنـت ءُ هـیـمـاتـوکـریـٹ ءِ کِـسـاس چـہ 41% کِـسـاس ءَ کـمـتـراِنـت.
جَـنـیـنـانـی کـَـمّ هُـونـی ءِ سُـهـریـں هُـون ءِ دانَـگـانـی کِـسـاس چـہ G/DL122 ءِ کِـسـاس ءَ کـَـمـتـراِنـت ءُ هـیـمـاتـوکـریـٹ ءِ کِـسـاس چـہ 36% کِـسـاس ءَ کـَـمـتـراِنـت .
سُـهـریـں هُـون ءِ تَـهـرانـی تـهـ ءَ هـیـمـوگــلـوپـیـن مـان اِنـت کـہ آ یَـک آسِـنـداریـں چَـرپـی یـے ءُ هُـون ءَ سُـهـریـں رَنـگ دَنـت ، هـیـمـوگـلـوپـیـن سُـهـریـں هُـون ءِ تَـهـران ءَ اُکـسـیـجـن ءِ گـَـیـس مـان کـَـنـت کـہ آ هُـون ءَ چـہ پُـپّـانـی راه ءَ بـہ رُمـبـیـن ایـت ءُ مـاں جـان ءِ آدگـے بَـهـراں بَـهـر بـہ کـَـنـت ، آئـی ءِ دومـی کـار اِش اِنـت کـہ اِکـسـیـد کـَـربُـن ءَ چـہ جـان ءِ آدگـے بَـهـراں بـہ زوُرایـت ءُ مـاں پُـپّـانـی تَـهـ ءَ بـہ رَسـیـن ایـت ، هُـون ءِ گِـیـشـتـریـں تَـهـر ءُ چـہ آئـی ءِ سُـهـری مـاں هَـڈانـی تَـهـ ءَ مِـیـن ءُ مـازَگ Bone Marrow جُـوان بَـنـت آ چـو بُـوپُـک ءِ ڈول ءَ سُـهـریـں رَنـگ اَنـت ءُ مـاں جـان ءِ مَـزَنـیـں هـڈانـی تَـهـ ءَ اَنـت .
هـیـمـوگـلـوبـیـن ءِ جُـواں کـَـنَـگ ءِ هـاتـرءَ اِنـسـان ءِ جـان ءَ آسِـن ءُ دگـے لَـهـتـے مـادَن ءِ اَزکـاراِنـت ، وَهـدے کـہ اِنـسـان کـَـمّ هُـون بـہ بـیـت اِشـی ءِ بـزانـت اِش اِنـت کـہ آئـی ءِ جـان کِـسـاس ءِ سَـرا سُـهـریـں هُـون جـواں کـنَـگ ءَ نـہ اِنـت یـاں آئـی ءِ جـان نـوکـیـں هُـون جُـواں کـُـرت نـہ کـَـنـت ، کـَـمّ هُـونـی آئـی ءِ جـان ءِ هُـون ءَ هُـشـک کـنَـگ ءُ گـار کـنَـگ ءَاِنـت .
-----» کـَـمّ هُـونـی ءِ نِـشـانـی «-----
کـَـمّ هُـونـی ءِ نِـشـانـی بـازاَنـت پـرچـے کـہ اُکـسـیـجـیـن ءِ کـَـمّـی جـان ءِ درُهـیـں بَـهـران ءَ تَـوریـن ایـت ، جـان ءِ تَـهـ ءِ اَڑ ءُ جَـنـجـال ءِ بـازی یـاں کـَـمّـی گـوں کـَـمّ هُـونـی ءِ بـازی ءُ کـَـمّـی اِنـت اَگـاں بـاز کـَـمّ بـہ بـیـت مَـردُم ءَ گـیـشـتـر نـاجُـوڈ کـَـنـت ، چُـش کـہ : مَـردُم ءَ نِـزور ءُ نـاتـوان ءُ سُـسـت کـنـت ، مَـردِم ءِ سَـر تُـرّ وارت بـے هُـوش بـیـت ءُ کـَـپ ایـت ، مَـردُم ءِ دَسـت ءُ پـاد درَه اَنـت ، مَـردُم ءِ سَـر دَرد کـَـنـت ، مَـردُم ءِ سـیـنَـگ تَـنـک بـیـت ءُ نَـپَـس ءِ رَو ءُ آ اَڑایـت ، مَـردُم ءِ نـاکـُـن سَـکّ بَـنـت ءُ هُـشـک بَـنـت ، مَـردُم گـَـرمـی ءُ سـارتـی ءَ بَـرداشـت کـُـرت نـہ کـَـنـت ، مَـردُم ءِ تَـپ تـرُنـد بـیـت ، مَـردُم ءَ هَـمـے مـارِشـت بـیـت کـہ آئـی ءِ جـان واب اِنـت ، مَـردُم ءِ جـان ءِ هَـمُـک جـاه سـوُچِـنُـک جَـنـت ، اَبـیـد چـہ وَرَگـی چـیـز مَـردُم ءَ دگـے هَـرچ چـیـزّے ءِ وَرَگ وَشّ بـیـت چُـو کـہ ، هـاک ، کـَـنـڈیـل ، کـاه ، درَچـکـی تـاک ، بَـرپ ءُ دگـے لَـهـتـے چـیـزّ.... آسِـن ءِ کـَـمّـی ءِ سَـوَب ءَ کـَـسـانـیـں زَهـگـانـی پـاد بـارَگ بَـنـت ، زَهـگـانـی تَـب بَـدَل بَـنـت ءُ بـاز گـریـواَنـت ، زَهـگـانـی زانـت ءُ زانِـش ءِ یـات کـَـنَـگ نِـزور بَـنـت آ زوُت زَهـر گِـراَنـت ، جـان ءِ بـاز جـاگـَـہ واب بَـنـت .
بـلـے آ کـَـمّ هُـونـی کـہ چـہ ویـتـامـیـن (ب122) ءِ کـَـمّـی ءِ سَـوَبءَ اِنـت آ بَـرے بَـرے مَـردُم ءِ یـاتـداشـت ءَ نِـزور کـَـنـت ءُ مَـردُم ءَ نِـزور ءُ بـے تـهَـمـبُـل هَـم کـنـت ، بـاز کـَـس وَتـسَـرا گـَـپ جَـنـت ، بَـرے بَـرے چَـمّ هَـم نِـزور بَـنـت.
تـرُنـدیـں کـَـمّ هُـونـی ءِ سَـوَب ءَ دِل ءِ سـٹـگ بـاز بَـنـت ، دِل زور جَـت نـہ کـَـنـت وَهـدے کـہ آ لـوٹ ایـت زور بـہ جَـنـت کـہ هُـون ءَ مـاں جـان ءِ رَگ ءُ ریـشَـگـاں بَـهـر بـہ کـَـنـت بـلـے هُـون ءِ اُکـسـیـجـیـن ءِ کِـسـاس بـاز کـَـمّ اِنـت پَـمـش ءَ دِل ءِ سـٹـگ بـاز بَـنـت اِے ڈول ءَ دِل ءَ گـیـشـتِـر نُـکـس رَس ایـت ، تـو اَگـاں شَـرّ بـچـارئـے آ مَـردُم شُـلّ شُـلّ بَـنـت ءُ آیـانـی دَسـتـانـی دِل چَـلّ بَـنـت ، آیـانـی پُـوسـت ءِ رَنـگ زَرد بَـنـت ءُ هَـڈ هَـم بـارَگ بَـنـت.
-----» سُـلاسـیـمـا ءِ کـَـمّ هُـونـی «-----
سُـلاسـیـمـا ءِ کـَـمّ هُـونـی چـہ هُـون ءِ چَـکـّـاسَـگ ءُ پـٹ پُـول کـنَـگ ءَ رَنـد داکـتـر ءَ هُـون ءِ هـسـاب گـیـشّـیـنَـگ لـوٹ اَنـت چُـش کـہ : سُـهـریـں هُـون ءِ دانَـگـانـی کِـسـاس زانَـگ بـہ بَـنـت ، هـیـمـوگـلـوپـیـن ءِ کـارکِـرد زانَـگ بـہ بـیـت ، جـان ءِ آدگـے بَـهـران ءَ چـیـنـچُـک هُـون رَس ایـت زانَـگ بـہ بـیـت ، هـون ءِ دانَـگـانـی مَـزَنـی ءُ کـَـسـانـی ءِ کِـسـاس چـیـنـچُـک اَنـت زانَـگ بـہ بـیـت ، کـَـمّ هُـونـی ءِ چَـکـّـاس ءُ آئـی ءِ زانَـگ کـہ اِے مَـردُم ءَ کـُـجـام یَـک کـَـمّ هُـونـی ءِ نـادراهـیءَ گِـپـتَـگ ؟ چـہ چـار ڈول ءِ کـیـاس کـَنَـگ ءَ زانَـگ بَـنـت 1- سُـهـریـں هُـونـانـی دانَـگـاں ءَ هـسـاب کـنَـگ 2- هـیـمـوگـلـوپـیـن ءِ کـارکِـرد ءِ زانَـگ 3- هُـون ءِ تَـهـ ءِ کـَـسـتـریـں دانَـگـانـی کـیـاس ءِ زانَـگ 4- سُـهـریـں هُـون ءِ مَـسـتـریـں دانَـگـانـی کِـیـاس ءِ زانَـگ .
اَگـاں اِے ڈول ءَ دَرگـیـجَـگ ءُ زانَـگ نـہ بـوُت گـڑا هَـڈانـی مـازَگ Bone Marroww ءِ چَـکـّـاس ءُ پـت پـول کـنَـگ اِے نـادراهـی ءَ اَلّـم کـنـت.
مَـردُم ءَ اِے نـادراهـی ءِ گِـرَگ ءِ مَـسـتـریـں سَـوَب چـہ بـے آسِـنـیـں ءُ بـے ویـٹـامـیـنـیـں ءُ بـے مـادَنـیـں وَراکـانـی وَرَگ اِنـت ، یـاں یَـک نـادراهـے کـہ آپـریـشـن کـنَـگ ءَ رَنـد آئـی ءِ جـان ءِ هُـون کـَـمّ بـوُتَـگ چُـش کـہ آئــی ءِ گـُـٹـیـگ آپـریـشـن کـُـرتَـگ اَنـت ، یـاں آئـی ءَ کِـنـسَـر – سـرَطـان ءِ نـادراهـی بـوُتَـگ ، یـاں آئـی ءَ شَـکـَـر ءِ نـادراهـیءَ گـپـتَـگ ، یـاں آئـی ءِ جـان ءِ بَـنـد ءُ بُـوگ پـہ دَرد اَنـت ، یـاں آئـی ءَ ایـدز ءِ نـادراهـی ءَ گـپـتَـگ ، یـاں آئـی ءِ سِـگِـنـدان چـہ تَـهـ ءَ رِیـش اِنـت ، یـاں آئـی ءِ جَـگـَـر چـہ کـار ءَ کـَـپـتَـگ اَنـت ، یـاں آئـی ءِ دِل نِـزوراِنـت ، یـاں آئـی ءَ چـہ وَتـی پـت ءُ مـات اِے نـادراهـی گـُـون اِنـت .
آسِـن ءِ کـَـمّـی ءِ سَـوَب جـان ءَ کـَـمّ هُـون بَـیَـگ اَلّـمـی اِنـت (Iron deficiency anemiaa)اِے نـادراهـی مَـروچـاں گِـیـشـتِـر بـوُتَـگ پَـرچـے کـہ آسِـن ءُ آدگـے مـادَنـانـی نـہ رَسَـگ ءِ سَـوَب ءَ آئـی جـان هـیـمـوگـلـوپـیـن جـواں کـُـرت نـہ کـَـنـت کـہ هُـون ءَ مـاں جـان ءِ آدگـے جـاهـاں بـہ رَسـیـن ایـت.
کـَـمّ هُـونـی یـے کـہ چـہ ویـٹـامـیـن ءِ کـَـمّـی ءَ بـہ گِـرایـت آئـی ءَ ((Vitamin Deficiency Anemia) گـُـوَش اَنـت اِنـسـان ءِ جـان ءَ پـولـیـک اَسـیـد (Folic acid) ءُ ویـٹـامـیـن ب 12 (Vitamin B12) اَزکـاراِنـت کـہ آ هُـون ءِ تَـهـ ءَ سُـهـریـں دانَـگ جُـواں بـہ کـَـنـت اَگـاں وَراکـانـی تَـهـ ءَ اِے مـادَن ءُ ویـٹـامـیـن مـہ بَـنـت گـڑا هُـون ءِ سُـهـریـں دانَـگ کـَـمّ بَـنـت ءُ لَـهـتـے هَـنـچـیـں اِنـسـان هَـم هَـسـت اَنـت کـہ آیـانـی جـان ویـٹـامـیـن B12 ءَ زُرت هَـم نـہ کـن اَنـت.
مَـزَنـیـں نـادراهـی چـو کـہ کِـنـسَـر – ایـدز – کـُـولِـنـج –لاپ ءُ دِل – اِنـسـان ءِ جـان ءَ هُـون ءِ سُـهـریـں دانَـگ ءِ جـواں کـنَـگ ءَ نَـیـل اَنـت گـُـٹـیـگ اَگـاں چـہ کـارءِ کـنَـگ ءَ بـہ کـَپ اَنـت آ هَـم کـَـمّ هُـونـی جـوان کـن اَنـت .
لَـهـتـے کـَـمّ هُـونـی هَـسـت کـہ آیـاں چـہ Bone Marroww هَـڈ ءِ مـازَگ جـوان بَـنـت آ هُـون ءِ رَنـگ ءَ اِسـپـیـت کـَـن اَنـت اِے هَـمـا وَهـد ءَ جـوان بَـنـت کـہ هُـون هَـراب بـہ بـیـت اِشـان ءَ (Hemolysis) گـُـوَش اَنـت اِے هَـمـا وَهـد ءَ دیـمـرَوی کـن اَنـت کـہ آ وَهـد ءَ هُـون ءِ سُـهـریـں تَـهـرانـی هَـرابـی چـہ هَـڈاں بـہ بَـنـت ءُ Bone Marrow هَـڈانـی مـازَگ هـون جـواں کـُـرت مـہ کـَـن اَنـت.
--» کـَـمّ هُـونـی ءِ اَڑ ءُ جَـنـجـال «--
کـَـمّ هُـونـی ءِ اَڑ ءُ جَـنـجـال بـاز اَنـت بـائـد اِنـت کـہ زانَـگ بـہ بَـنـت یَـکـّے چـہ اشـاں دَمّ بَـرَگ اِنـت ، سُـسـتـی اِنـت مَـردُم ءَ هَـنـچـو سُـسـت کـنـت کـہ هِـچّ کـُـرت نـہ کـَـنـت آ کـار کـُـرت نـہ کـَـنـت ، لَـیـب ءُ گـُـوازی کـُـرت نـہ کـَـنـت ، اِے وَهـد مَـردُم ءِ جـان ءَ ویـٹـامـیـن B12 ءِ سَـکّ اَزکـاراِنـت نَـہ تَـهـنـا آ سُـهـریـں رَنـگ ءِ هُـون جـوان کـَـنـت ءُ سَـرَگ ءِ مـازَگـاں هَـم بَـرابَـر کـَـنـت مَـردُم ءَ پـہ هُـوش ءُ سـار کـَـنـت پَـرچـے کـہ چـہ ویـٹـامـیـن B12 ءِ نـہ بَـیَـگ سَـر ءِ هُـوش کـار نـہ کـَـنـت.
-----» اِے کـَـمّ هُـونـی مَـرگ جـوان کـَـنـت «------
یَـک کـَـمّ هُـونـی یـے هَـسـت کـہ آ چـہ پـت ءُ مـات ءِ نِـیـمَـگ ءَ کـَـیـت مـیـراسـی یـے آئـی ءَ sickle cell anemia گـُـوَش اَنـت اِے کـَـمّ هُـونـی سَـکّ تُـرسّـنـاک اِنـت ءُ کـُـشِـنـدَهـے پَـرچـے کـہ هُـون ءَ زوُت هُـشـک کـَـنـت.
-----» کـَـمّ هُـونـی ءِ اِلاج «-----
هَـمـُک هـالَـت ءَ یَـک وَڈے ءِ اِلاجـے هَـسـت اَگـاں آ چـہ آسِـن ءِ مَـواد ءِ کـَـمّـی بـہ بـیـت آ گـوں آسِـنـداریـں وَراکـانـی وَرَگ ءَ گـار بـیـت .
اَگـاں آ چـہ ویـٹـامـیـن B12 ءِ کـَـمّـی بـہ بـیـت گـڑا آئـی ءِ اِلاج گـوں ویـٹـامـیـن B122 ءِ سـوُچِـن جَـنَـگ بـہ بـیـت بـلـے کـَـمّ هُـونـی ءِ لَـهـتـے هـالَـت هَـسـت اَنـت کـہ آ مُـدام مَـردُم ءَ گـُـون بَـنـت .
آ کـَـمّ هـونـی یـے کـہ چـہ مـزَنـیـں نـادراهـیـانـی سَـوَب ءَ آتـکـگ تَـنـیـگـا آئـی ءِ اِلاج دَر نـہ کـَـپـتَـگ ءُ بـے اِلاج اِنـت.
آ کـَـمّ هُـونـی یـے کـہ چـہ هَـڈ ءِ مـازَگـانـی سَـوَب ءَ جـواں بـوُتَـگ آئـی ءَ گـوں دَرمـان ءُ کـیـمـیـائـی دَرمـانـاں اِلاج کـن اَنـت ءُ مـاں نـادراه ءِ جـان ءِ هَـڈانـی تَـهـ ءَ مـازَگ هَـم کِـش اَنـت.
آ کـَـمّ هُـونـی یـے کـہ چـہ هُـون ءِ هَـرابـی ءَ جُـواں بـوُتـگ آئـی اِلاج اِش اِنـت کـہ آ مَـردُم هَـمُـک ڈولـیـں دَرمـان مـہ وارت داکـتـر وَت پـہ آ مَـردُم دَرمـان گِـچـیـن کـن اَنـت تـاں آئـی ءِ هُـون ءِ هَـراب کـَـنـوکـیـں نـادراهـی گـار بـہ بـیـت.
آ کـَـم هَـونـی کـہ sickle cell anemiaa گـُـوَشـگ بـوُتـگ بـائـد اِنـت کـہ داکـتـر اِے مَـردُم ءَ مُـدام چـارَگ ءُ وارَگ بـہ کـَـنـت آئـی ءِ جـان ءِ تَـهـ ءِ اُکـسـیـجـن ءِ جَـهـل ءُ بُـرز ءِ کِـیـاس ءَ بـہ چـارایـت ءُ آئـی ءَ دَرد ءِ سـکـیـن دیَـگ ءِ دَرمـان بـہ دَنـت اَگـاں گـُـولـی وارت نـہ کـَـنـت دَرد ءِ سـکـیـن دَیَـگ ءِ شـربَـت بُـوارت یـاں داکـتـر آئـی ءَ گـلـوکـوس – سـرَنـگ بـہ چـاڈیـن ایـت تـاں آئـی ءِ نِـزوری گـار بـہ بَـنـت .
وَت ءَ چـہ کـَـمّ هُـونـی نـادراهـی ءِ دوُر دارَگ ءِ رَهـبَـنـد اِش اَنـت کـہ مَـردُم چـہ هَـمـا وَراکـاں بـاز بُـوارت کـہ آ وَراک آسِـنـداراَنـت ءُ آیـانـی تـهـ ءَ آسِـن ءُ folic acid ءُ B 12 ءُ ویـٹـامـیـن سـی C ءِ مَـواد هَـسـت اَنـت .
آ مَـردُم کـہ آیـانـی جـان ءَ گـیـشـتـر آسِـن ءِ اَزکـار اِنـت :
کـَـسـانـیـں زَهـگـاں – لاپ پُـرّیـں زالاں – آ مَـردُم کـہ اِیـوَک ءَ سَـبـزی وَراَنـت گـُـوشـت ءُ مُـرگ ءُ مـاهـیـگ نـہ وَراَنـت – آ مَـردُم کـہ بـاز وَردِش کـن اَنـت گـرانـیـں بـار چـسـت کـن اَنـت ءُ کـار کـن اَنـت .
داکـتـر گـُـوَش اَنـت بـائِـداِنـت کـہ کـَـمّ هُـونـی ءِ نـاداره وَشّ بَـیَـگ ءَ رَنـد هَـمُـک سـال ءِ سَـرءَ وَتـی هُـون ءَ پـٹ پـول کـنَـگ ءَ بـہ دے اَنـت .
دَپـتَـرانـی تـهـ ءَ نـبـشـتَـگ کـہ دُنـیـا ءِ کـَـمّ هُـونـی ءِ نـادراه 1.622 بـلـیـون نـادراه اَنـت کـہ چـہ دُنـیـا ءِ سَـرجَـمـیـں 24.8% مَـردُمـان اَنـت 47 % گـوَنـڈیـں چَـکّ اَنـت .
مَـروچـاں 4000 نـمـونَـگ کـَـمّ هُـونـی ءِ نـادراهـی هَـسـت اَنـت شُـمـا اَگـاں لـوٹ اِت چـہ اِے نـادراهـی بـہ رَکّ اِت گـڑا گـُـوشـت ءُ مُـرگـی هَـیـک ءُ مـاهـیـگ ءُ جـیـنـگـا ءُ سَـبـزی ءُ مـیـوَگ بـاز بُـوَراِت کـہ اِشـانـی تـهـ ءَ آسِـن ءُ ویـٹـامـیـن B12 ویـٹـامـیـن C ءُ آدگـے مَـواد مـان اَنـت .
مُـدام جـانـدراه ءُ وَشـهـال بـات اِت ءُ هِـچّ پَـیـمـیـں سَـکـّـی ءُ سُـوری مـہ گِـنـدات اِت – هَـنـچُـش بـات.
شـمـئـے کـَـسـتِـر
ادَبــی هَـکـیـم
راسک ، سرباز و پشامگ ءِ سرمتابیں ورنایانی نام ءَ
گلامی ءِ شاهد
دو 4 بند
دو 4 بند
ورنــــــا
,, بامسار ءِ روچ،،
آزمانک
,, بامسار ءِ روچ،،
ڈاکٹر سمّی پرواز
"واجہ! ما کدی وتی منزل ءَ سربیں،، آئی ءَ یک برے پدا چہ کاروان ءِ راہ دربر ءَ جست کت-
مئے سپر ھما بامسار ءِ لمب ءَ آسر بیت ھو مارا زند ءِ یک نوکیں رُاژنے رسیت؟ راہ شون ءَ ایمنی آئی ءِ جست ءِ پسو دات-
"بلے تہ کدیگ ءَ اے مئے واجہ! …اے دْراجیں سپر ءَ مئے چینچو مردم شُد ءُ تُنّ ءِ ارجان بوت، چینچو ڈنگ ءُ دُزّاں پُلنت ءُ چینچو بیگْواہ بوتگ انت- چینچوکاں وتی راہ تاب داتگ ءُ مارا یلہ دات ءُ نوں من اے ھیالاناں کہ مئے آسرچے بیت... ورنا ءَ پہ درد، دربر ءَ جست کت ءُ وتی پگر مندیں چمے دور راہ ءِ نیمگا شانک داتنت ءُ پہ پگر سرے جھل کت-
او منی پلیں ورنا ھمت ءُ سبر ءِ میار ءَ مُھر ءُ ۔ھکم بدارئے وت ماں وتا تپاک بہ بئے منزل المی ءَ مئے بیت،، راہ دربر ءَ پدا پہ تسلّا گشت-
بلے مئے بیران بوتگ ءُ گار ءُ بیگْواہیں ھمراہانی گوما گشئے مئے پاد بستگ اَنت ءُ دیما نہ رؤگ ءَ انت- ماھمت ءُ سبر چوں بکنیں کہ مئے بیسہ گوں وت پرْوشتگ وتپاک ما گوں کئے ءَ بہ بیں کہ مانزانیں کہ تپاکی کجام دْرچک ءِ نام انت، ایمنی چے مُرگے،، نوجوان ءَ پہ زانتکاری گُشت-
"سبرھمت ءُ دوستی ءُ تپاکی ایشانی دامن ءَ یلہ مدئے ءُ وتی سرا بیسہ بکن ئے ما الم وتی مکسد وتی منزل ءَ سر بیں-
راہ شون ءَ پہ بچکندگ آ ورنا ءِ کوپگ ءِ سرا پہ نرمی وتی دست ایرکت ءُ گشت-
"بلے تہ کدین ءَ واجہ؟ ورنا ءَ پدا پہ پگر جست کت،، مارا آ بامسار آ منزل کدی رسیت،،
"من انوں آ منزل ءِ نشان ءَ گندگ ءَ آں-منی سپر ءِ دمبرگ کمتر بوھگا انت،،
پیریں راہ دربر ءَ یکبرے نوجوان ءِ گمرتگیں دیم چارِت ءُ پدا کاروان ءِ ھمراھانی نیمگا چمے شانک داتنت ءُ گشت ئِے-
"بلے ……ہورت چاری ءُ پگر لوٹیت ……بچار تئی کسانیں چُکّ شپے (عمرے)پرے گوْستگ بچار آئی ءِ چمانی توک ءِ ہورتیں بچکند ءَ آئی ءِ چماں یک منزلے ءِ بامسار، یک ماہیکانی یے روکیں روچے روشنائیں-،،
دل ءِ هـُـلّ
وتن پالی
تـو مـنـی مـاهـانی بَــر و بَـرورد تو مـنـی زنـــد ءِ مُـجّـتـی همدرد
اگـں زنـد ءَ هـمـراہ یاری نہ کنت
اگـں زنـد ءَ هـمـراہ یاری نہ کنت
مبارک قاضی ( چاربند )
مبارک قاضی ( چاربند )
شهر شهر سر گپتاں وت وتی شوهاز ءَ من
انگت ءَ نیاں سرپد زندگی ءِ راز ءَ من
چاریں روچ امروز ءِ هرکس زر ءِ واهگدار
اوئے من بباں قاضی رپتگاں نماز ءَ من
مبارک قاضی
