دستانی بہ بَندئے تہ کر چمانی بہ بندئے
کوھانی زراب ءَ چہ آرام ءَ نہ نند ئے
ماتیں وتن ءِ ننگ ءُ میار ءِ مِڑ ءُ جنگءَ
تیرانی دْرداں دُزّتہ جانی ءَ نہ گِند ئے
جمھیرءِاُرش تیرءِشلان گوں نہ بہ دارگ
دَؤرگوستہ کہ تو ساھگءَزھمانی بہ نندئے
ھکانی تلب جرمے نہ اِنت اِزتیں نپس ءِ
مئے اِزّت ءَ نپسءِ کَشتگ آسان نہ گِندئے
اے ھاک مئے ننگریں کوْم ءِ گِسءُگوراِنت
اے ھاک ءَ پہ ما ٹاہ جتگ شکلّیں زِند ءِ
لاشانی سرءَگوست کن ئے بیا،بلے بِشُکن
ساہءَگوں مئےدل بَستہ بزان ساہ تئی جندءِ
سر ننگریں بیرانی نہ بیت جھل تئی دیم ءَ
من زگریں نصیراں بلے اوبادگاں رند ءِ
گل خان نصیر
نه گوں زاری ءَ
میر گل خان نصیر
اے زند په واری ءَ نئے بیت په زاری ءَ
پادا او منی سنگت نیں بلّی کراری ءَ
دنیا تئی دیما انت اَبـرسـتـه مزاری ءَ
هر کس په وتی هَکّ ءَ سر زرته کهاری ءَ
پُرتایگ و سنبالنت چو مرد شکاریءَ
سرین بستگ و اوشتاتگ
هـر کس پــه تـیــاری ءَ
تو هم اَو گهیں ورنا ! پادا ! په هشاری ءَ
چمان ءَ وتی پچ کن گِـنـد دَنز و تهاری ءَ
گپتگ تئی ملک ءَ را برتگ تئی باری ءَ
آؤرتـه تـئـی چَــک ءَ گمنامی و گاری ءَ
برتگ تئی روزی ءَ سهتگ تئی کِشاری ءَ
کِلّئے وتن ءِ ننگ ءَ
بئے سَک مَئیاری ءَ
پادا ! او یلیں ورنا چـاڑکه تـیـاری ءَ
استئے چما سربازاں سر داته مزاری ءَ
ملک ءِ په وتی ننگ ءَ مُرتنت چِد و ساری ءَ
پد کنزگی سک گِران انت زَهمانی اَواری ءَ
هر دژمن و بدواه ءَ گاڑینتنت نهاری ءَ
پیل ءَ گوں چپانٹ گلینت
شیر ءَ گوں گٹاری ءَ
ورنا ! تو پچے ترسئے کلپیں چه مداری ءَ
تو گیهل و جیدارئے پادا چه کچاری ءَ
پادا ! په مڑ ءَ درکپ سرین بسته کتاری ءَ
گوں بزگر و بگجتاں گوں شوانگ و کاری ءَ
هَکّان ءَ وتی پچگر زور ءَ، نه گوں زاری ءَ
سرین بسته نصیر ءَ گوں
بــیــا بـــوشــت اواری ءَ
نوشکئ - 6 نومبر 1958
( کلیات نصیر . تاکدیم 569 و 570 )
شئیر ءِ راست چوش انت :
دستانی بہ بَندئے تہ که چمانی بہ بندئے
کوھانی زراب ءَ چہ آرام ءَ نہ نند ئے
ماتیں وتن ءِ ننگ ءُ میار ءِ مِڑ ءُ جنگءَ
تیرانی دْرداں دُزّتہ جانی ءَ نہ گِند ئے
جمھیرءِاُرش تیرءِشلان گوں نہ بی دارگ
دَؤرگوستہ کہ تو ساھگءَزھمانی بہ نندئے
ھکانی تلب جرمے نہ اِنت اِزتیں نپس ءِ
مئے اِزّت ءَ نپسءِ کَشگ آسان نہ گِندئے
اے ھاک مئے ننگریں کوْم ءِ گِسءُگوراِنت
اے ھاک ءَ پہ ما ٹاہ جتگ شکلّیں زِند ءِ
لاشانی سرءَگوست کن ئے بیا،بلے بِشُکن
ساہءَگوں مئے بَستہ بزان ساہ تئی جندءِ
سر ننگریں بیرانی نہ بیت جھل تئی دیم ءَ
من زگریں نصیراں بلے اوبادگاں رند ءِ
گل خان نصیر