دستونک

گِله اِت چم  و  سر انت ، او هَتل و ماهیں پری

ما په ناز ات زند ءَ بکشاں، ٹهل و لڈ ات درئمگوری

تئی کهیب و جنزگان ات هوش بَر انت و درین ءِ داب

زیب تئی مارشت ءِ دنیا ، چَنگ و سَؤت انت هژدری

تئی رواجاں نرمکیناں ، کؤگ و سیسوگ چه سر انت

چم کنجل - نلگسیں تئی ، چو که آهوگ کهسری

موربندیں تئی میان انت گوئمزی و ، زَهمانی زِه

تئی دَپ ءِ بچکند ءِ تام انت چو که بینگ سومری

تئی رَک و لنٹ ءِ سواد ءَ،شئے مرید سد گار بوت

ماپرانی ٹال ءَ بَند اوں ، ما تئیگ ءَ شه زری

تئی دوئیں جاڑیں هناراں،سوپ و نارنج، لیمبواں

بُرته هوش و سُدّ ءَ مئیگ ءَ،آ پنیراں وَش گوئری

دیم تئی رژنا گوں بچکند، داں زمانگ بیت و هست     

وشی اِت لکاں ببات و ، مِهر اِت او ساه سَد سری

کریم بلوچ - تــَـهـــل