دستونک

کــوٹـِکیں مـُلک و کـوٹـِـکیں جــاور

دل نه سَهڑیت ئی چون کناں باور

لک گِـهـگیـریں هـم سرئی بُرتگ

واهگی اِشکند هم کتگ لک سر

ســــامــراجانی ڈلّ و زنـدان انت
دیمی سیاهِنت و کُشت و هون پَدّر

مِـلکت انت پئوج ءِ یاں دَتیں هَپتار
نـیـک نَمنّانی ، رُمب ءِ سـَر لشکر

په پُلگ شیر انت چــه گلیں راجاں
سامراجءَگوں چوٹ و جهل انت سر

ٹـَـگ و کَلپانی مَستِــریں رَهشون
پــیــر و مـُلایی ، هــور کِـرّ و گــوئر

اے دَت و جلات داں کدیں شیر انت
په اِشاں روچے چون بیت مَهشر

یک تواریں راج سوب بارت روچے
دیدگ اِش زانت بیت واهگش دلبر

«تهل» بنت چو که مئے هبر راستیںآسر اش آس بیت و جَـلـیـں اِشکر

کریم بلوچ ـ تــَـهــل
17.12.14

 کراچی