دو دَستونک

دو دَستونک

(1)

نـُـک بـَـدیت انت تئی نَـبـاتیں ترانگاں
سرجـــــمیں دگـــنیا ترا دلمانــگاں

انسریت چون دل هیالانــی لـَـوار
گـَم جـَتیں مرد ءِ زهیراں وانــــگاں

جــــو سـر ءِ راه ءِ ودار ءِ منـّــَــتاں
دل وا ریٹـا ، ســار و سُد ءِ پانگاں

کوش شاهد مئی دلءِ هر تاب و پیچ
ڈک و نیمونانی گواهی و گل ءِرنگانگاں

نازگـُل ءِ پادانی هاک ءِ نـَـدر مــــن
پـَهر هـَمے بس انت گل ءِ دیوانگاں

لال ءِ اوپـار داشتگ ما ســـاه ءَ تا
ساه شگانے ،"تهل"ءِ داب ءَ زانگاں

بهت ،ترندآپ ءِ وڑا نا ساچ گوں ما
شگر تئی گم ما را داشتگ ترانگاں

24/06/08

(2)

اســپرانی چـَـاپ مـَـرچی ، تئی بـَـز و بُرزیں تـَـــوار
بـِل که دار انت گـُـٹ و گُـڈانت،سر بـَد و هونی سگار

زنـد ءِ زیـب انت رژن و رنــگاں ؛ آجوئی ، وت واجهی
اے شراباں گیش سد ســر ،ساچگ انت نیکیں ملار

بـِرّ دل ءِ که واهـگاں بنت ، گـِـرّ سر ءِ وا هوش و سار
هـَـتّــلی نازاں تئی بنت ، سـَد _ هــزار نـــازیں بهار

مهر ءِ جــُوّای ءَ بیا که ، کـَــٹــّتگ نه هـــر سر ے
هم مچاچاں پـَـند جَــنَـگ بیت ،سر په هم پلیں نگار

مـا هـَـشـَر زُرتگ پــه راج ءَ ، هـــم مـَـلنگی زندمان
بـُــلّ کس ءَ پــه تاج و زَرّ انت ،هم پت و ماس و گهار

نے که گپ و نے که پنتاں،"تهل" ءَ کـَد شیرکن نه کت
زرگل ءِ زَهم انت درمان ، ٹــــک پــه تو منی بور سوار

کریم بلوچ _ تهل
08/04/09