دوســــت

دوســــت

*******

       ( 1 )

زیند سمینے و کشگ انت دَؤراں

یا زبادے که درنزتگ پلاں

یا که سالانی مولمے سد رنگ

هم بَری اُمبر انت مجتی دوست ءِ

      ( 2 )

کیهوان کائے تو زبادانی

لـُڈگ و ناز ات هوش بر و دل نند 

زیب و پُر درین انت تئی دپ ءِ بچکند

لوکه ئیں جمبر تئی سلام کاینت 

من تئی مهر ءِ بو سمین گولاں 

        ( 3 )

پـُل و آتار انت 

هر کدیں کیت انت 

دلکش و شهدیں ترانگ ات پرما

چینچو تئی مهر ءِ دوستی ءِ هار ماں

بال آزمان ءَ

په گـَـل ءَ ترّاں .

هرکدیں کائے زیب سپاهانی 

من وتی چم ءِ هِردک هم گیجاں

من په تئی ترانگ ، هم گل و ساه ءَ 

په تئی نازاں ، دست بندیناں !

راه ءَ درگیجاں

بیا کهیبانی لک سپاهیں براه 

بیا منی زرد ءِ هستی ءِ بامگواه 

کریم بلوچ - تــَـهــل

13/05/16

هارکپ - یو