چاربند

چاربند
(1)

پلءِ موسم چَه اے زمان سستَگ
وهد کجام باریں ، نوبتاں رَستگ
شربتاں زند ءِ ، جام ءَ ایر ریچ کن
کَپتگیں راج انت که گُوَستگاں نِستَگ

(2)

دل ترا لوٹیت ، چه گَل و بال ءَ
واهگ ءِ پل انت، نوک مه و سال ءَ
تو مَلاراں دئے ، چه زمان دَرکَپ
چم ءِ مهمان بئے داں ابد شالا

(3)

وهد و باریگ ءِ هم رواج تیز انت
کپتگیں راج ءِ ، بند ءَ سد ریز انت
وپتگ و واب ءِ ،"میش نر کاریت"
سر وتی سار کن ، وهد ءِ گِهمیز انت

کریم بلوچ _ تهل