« پهره روتاک » « روزنامه پهره »
ادبیات بلوچ« پهره روتاک » « روزنامه پهره »
ادبیات بلوچدو گـَـٹـّور
چـُــکانی دیوان ترینوک : کریم بلوچ _ تهل
دو گـَـٹـّور
مَـزَن و پُر آپیں جوگے ءِ بـُـرزَگ ءَ ، دارے ایر ات . دو گـَـٹوریں شِـنِک هم همے دار ءِ سرا چه دوئیں نیمگاں ڈِیک وارت .
هچ کـُجام نه لوٹ ات که پَد کِنزِیت و آدگر ءَ ، رَوَگ ءِ اجازت و موه به دَنت . دوئیں جنگ بوت انت و مِڑ اتنت ، یک و دگر ءَ کانٹ جناں بیت انت . هَو ، آهر ءَ هر دوئیں لـَـگـُشت انت و آپ ءَ کـَـپت انت .
****************
**************
دو گِــتــاچ
ماں بُرزیں کـُه بندے ءِ تَلاراں ، باز بارگیں راهے هست ات که یک نیمگے ءَ دیوالیں گـَـٹ و تلار اوشتاتگ و جـِکِتـَـگ اتنت و دومی نیمگ ءَ جُهلِـیں دِرّ و دور بُنیں گـَر اتنت. دو گِتاچـِـیں شِنِک ، همے راه ءَ گوں یک و دگر ءَ دو دیم بیت انت و ڈِیک اش وارت . یک نیمگے ءَ شَتکیں و تراشتگیں تَلار کوه ءِ دیوال و دگه نیمگے ءَ جُـهلیں دِرّ اتنت. اے راه ءَ بـِر گردگ هم نه بیت و یکے ءَ چه گیش گوئست هم نه کنت ؛ چون کـَت کن انت و چے به کن انت ؟
آهر ءَ یکیں گتاچ وَپت و ڈگار ءَ وتا را لـَچـِینت ، و دومی باز په نرمی و دلگوش ءَ ، چه وَپتگیں گتاچ ءِ سر برا گوئست و هر دوئیں رَکـّت انت .
***********************
********************
*************
موریک و کـَـپوت
مورے مَزنیں جوگے ءَ په آپ ءِ وَرَگ ءَ شُت . جوگ ءِ گـُـوَرمے ءَ ، موریک ءَ آپ ءَ سَـٹ ات و آپ موریک ءَ بَراں بیت . مور آپ ءَ بُڈاں و ساه دیان ات .
بالیں کـَپوتے ءَ ، جـِکـّے گون ات ، دیست ئی که موریک ساه دیانںو بـُـڈان انت ، جـِک ئی سَٹ ات آپ ءَ ، موریک ، جک ءَ سواربیت و وت ئی رَکینت .
روچے شکاری ءَ ، وتی رُگ و دام ءَ په کپوتانی گِرَگ ءَ چـِـیر گِـهت . کپوت ئی دام ءَ گپت انت و دام ئی زُرت و رواں بیت . موریک کـَـپوت ءَ شکاری ءِ دام ءَ دیست . مورینک _ موریک _ شُت و شکاری ءِ پاد ئی گـَـٹ گِــپت و گـَـسْت . شکاری ءَ آهے کش ات و دام چه دست ئی لـَـگـُـشت و کـَپت . دام پـَچ بیت ، کـَپوت پـُورّ کـُرت و بانزلاں مانشانت و بال کـُـت .
