بـانـــــدات ءِ هــُـــدا بـُـنـــد

بـانـــــدات ءِ هــُـــدا بـُـنـــد

ماه وداریگ ات په زیملے شـَؤکیں

پـَـؤر و اِستار ءِ شاده ات دیوان

گلزمین ءَ هم آسے روک بیتگ

مئے مراد ءِ دل لرزگے زُرت ات

بیتگ نوک ماهے مات ءَ چه پیداگ

رَنگ و چَهر ئی هست کـوش ءَ گوں همرنگ

ساز و بالاد ئی هست نازینک چو

اولی روچ ءَ شادهی آرتگ

مهگلیں مات ئی سارتیں گِـیـن کـَشّ اِت

پــِس و پیراں په سک مرادیگاں

نوک تریں پـَدریچ - راج ءِ باندات په :

اِے مئی باندات ءِ هدابند انت

_ شـَهمتگ پیرانی هُشاں شـَهمے

کـُلّ مرادانی روژنا بیتگ 

زرد ءِ آدینک ءَ سوب کتگ نوکیں .

سر کن اِت نازینکاں هَلک ءِ مهلونکاں

سرکن اِت نازینکاں گلین دیوان

نـُـنـّــَل ءِ باندات شادهاں بستگ ...


                                 کریم بلوچ _ تـَهـل
                                     25/05/11
                                   آستخانف - اک.

* - چهـر : دیم ءِ رنگ . شبین .
** - کوش : سَمین . آهاڑ و گرماگ ءِ نرم گوات .
*** - کـُلّ : لوگ . دَوار . هَند و جاه .