ماں کـوَهنیں زَمانگاں ، یک دهکانے تـُهمانی گـوالے ءَ شهر ءَ په سودا کـَنـَـگ ءَ بـَـرَگ ات . اناگت ءَ آئی ءِ هَرگاڑی ءِ ٹــَـیر __ گـَـلگـَـل __ چه مزنین ڈوکے ءَ گوئست و هَرگاڑی ار سـَـٹ ات . |
|
دانگ تـُرس ات و دل ءَ گوئشت ئی : من تهنا ڈگار ءِ دل و هاک ءِ
چیر انت که پـَشت کپاں و رَکـّـاں . گوکے چه همودان گوئزان ات .گوک ءِ پاد دانگ ءَ ترپت و دانگ هاک ءِ چیرا چیر تَرّ ات و کـَـڈ بیت .
دانگ وتی گون ءَ پگر کنان بیت که من تُنیگ اوں ،جوان انت که کمے
آپ به بیتیں تا که من کمے سبز و مَزَن به بیتیناں . کم کم هـَـؤر شنزان
بیت .
ایدگه روچ ءَ آئی ءِ اولی تاک وَدی بیت و رُست انت . اے تاک ءَ
مـَدَت کت که چه پیتاپ ءَ گیشتریں رژنے به گیپت و گهتر سبز به بیت .
یک بیگاهے ءَ ، شدیگیں مُـرگے لوٹ ات که آئیا به گـوَج ایت و به
وارت . بلے دانگ ءِ چرکاں __ آهـُـنڈ __ آئی ءَ ڈگار ءَ داشت و گوَجـَـگ
نه بیت .
بازیں سال و ماهے گوئست انت ، بازیں هـَؤر و پیتاپے هم بیت انت .
دانگ چه هـَؤر ءِ آپاں و روچ ءِ پیتاپ ءَ رُست و کسانیں درچکے بیت و
رَندا رُست و مزن و مَزَن تریں درچکے بیت .