دَستــــــــــــــــــونـــــــــــــــــــک
رُمبانی چَم و گوش انت چـِست بیتگ انت پـَــدا
زاننت وَس انت مئی دست ، گند ایت هم هـُــدا
بـَـنـدیں دَپ انت و دستاں ، بـَـنــد بیتـــگیں گـُـٹ
یــــکیں توار ءَ لوٹ انت ، حقــــانی هـــــر کـَـد ءَ
هـــــــوریں رواج ءِ دیمپان ، نے دود ءَ بیت نه زور
جیـــــــلانی بند ءَ پـُـرشنـــت ، هم نا شَر و رَد ءَ
زُلم ءِ هـُـدا انت مــــــــلا ، پـَـــؤجی یا تاج سَرے
حق وار ءِ گار ءَ بیــــت تاج ، هر کس کتگ بـَـد ءَ
آسے که بالــــــتـگ زور ، مـِـهــــــــرانی پــژدر ءَ
روچے به سوچیــــــت واجه ، بانـُـکّ ءِ مـَـلپـَـد ءَ
« بولان » که داتگ بــِـیهار ، جُؤریں بـَـد ءِ سـِـپاه
« دَپتان » آس شانتــــــگ ، روک کرتـگ ئی لد ءَ
وَس انت جهان ءِ باندات ، بے وس ترا په « تهل»
آشوب ءِ واجهــــی بیت ، میر گار ءَ بَنت سَـــد ءَ
کریم بلوچ _ تهل
13/07/09