پـــیــــل ماں سهدارانی پارک !

پـــیــــل ماں سهدارانی پارک !

( په کسانیں و زهگجاهی( کودکستانی ) چکاں ! )

یک گرم و جَلیں گرماگی روچے ، پیل ءِ چک ایوک و سَک بور ات . پگری کت که سهدارانی پارک ءَ بروت

« اوداں چینچو هَیرانی سهدار هست انت! من پیکه آهان بگنداں » ـ پیلک پگر کت .

پیلک شت سهدارانی پارک ءَ و هیران بیت : چینچو باز سهدار انت و هرکجام زاتے انت . په راستی آ هیران بیت وهدے که  مٹوی دیست ۔ گوئشتی :

ـ تو چونیں رنگ په رنگینے ئے !

پدا آئیا گوج ـ پاگاس ـ ءَ دیست .

ـ تئی چونیں مزنیں دَپے ! ـ پیلک هیران بیت .

دیمتر ءَ ماں درچکانی شاهڑ و ٹالاں ، مزنیں و دراجیں مارئ دیست :

ـ تو چونیں دراجینے ئے ! ـ پیلک گوئشت .

وهدے که پیلک دیست که ژراپ ءِ چونیں دراجیں گردنے ؛ آ چه هیرانی نِشت .

رندترءَ پیلک کسانکیں هِرّکے دیست :

ـ تئی پشت چون جَهل و برز انت ! دو کوهانک اِت پــِر انت !

کاسلونکی دیست که وتی  لوگی  پشت ات . پیلک پگر کت : « سرجمیں سهداراں هیرانی دابے انت ، بلئے منا چیزے نیست که کسے ءَ هیران بکنت ! " چو دلگران بوت و لوٹتی که لوگ ءَ برگردیت  .

وهدے که چه سهدارانی پارک درکپگ ات ، وتی شبینی ماں آدینک ءَ دیست و په گــَـل و شاده ءَ کوکاری کت :

ـ اے چونیں وَش ڈولیں لوسے که منا هست !

چو آئی ءِ دلگرانی و بوری گوئش ئے که نبیتگین اتنت !

ترینوک : کریم بلوچ ـ تهل